ევროკომისია მომავალი კვირისთვის გაზით მომარაგების ავარიული გეგმის წარსადგენად ემზადება. სააგენტო Reuters-ი ევროკომისიის გეგმას გაეცნო, რომელიც 20 ივლისს უნდა გამოქვეყნდეს.
დოკუმენტში, შემოდგომასა და ზამთარში გაზის უკმარისობის შემთხვევაში, რეაგირების გეგმა, მათ შორის საზოგადოებრივი და კომერციული შენობების გათბობის მაქსიმალური ტემპერატურაც იქნება მითითებული, და ის, სავარაუდოდ, 19 გრადუსით განისაზღვრება.
გამოცემა ევროკომისიაზე დაყრდნობით წერს, რომ დიდია ალბათობა რუსეთმა საერთოდ შეწყვიტოს გაზის მიწოდება. სააგენტო „როიტერი“ ასევე იუწყება, რომ ევროკომისიამ ევროკავშირის ქვეყნებს შესთავაზა, ბუნებრივი აირის იმპორტთან დაკავშირებით შეთანხმება აზერბაიჯანთან გააფორმონ.
ევროკომისიის გეგმა წევრ სახელმწიფოებს სთავაზობს მრეწველობისთვის ფინანსური სტიმულები შემოიღონ, რათა გაზის მოხმარება შეამცირონ, მრეწველობასა და ელექტროსადგურებში გამონაბოლქვ გაზზე გადავიდნენ და საინფორმაციო კამპანიები განახორციელონ, რათა მომხმარებლებს გათბობისა და კონდიციონირების სისტემის მოხმარების შემცირებისკენ უბიძგონ.
ევროკავშირი მიზნად ისახავს უზრუნველყოს რაც შეიძლება მეტი გაზი განთავსდეს საცავებში და შეიქმნას მიწოდების მარაგი ზამთრისთვის, როდესაც გაზზე მოთხოვნა პიკს მიაღწევს.
