უკრაინაში რუსეთის სრულმასშტაბიანი სამხედრო შეჭრის მეხუთე თვეს ამერიკის შეერთებულმა შტატებმა, ისტორიაში პირველად, მიაწოდა ევროპას უფრო მეტი გაზი, ვიდრე რუსეთმა.
რეკორდული მიწოდება დაფიქსირდა 2022 წლის ივნისში. ამის შესახებ Twitter-ზე ენერგეტიკის საერთაშორისო სააგენტოს აღმასრულებელმა დირექტორმა ფატიჰ ბიროლმა განაცხადა.
„რუსეთის მიერ ბუნებრივი აირის მოცულობის მკვეთრი შემცირება ევროკავშირში ნიშნავს, რომ ეს არის ისტორიაში პირველი თვე, როდესაც ევროკავშირმა აშშ-დან გათხევადებული ბუნებრივი აირის (LNG) სახით უფრო მეტი გაზი შემოიტანა, ვიდრე რუსეთიდან მილსადენებით. რუსული მიწოდების შემცირება მოითხოვს ძალისხმევას ევროკავშირში მოთხოვნის შესამცირებლად, რათა მოვემზადოთ მკაცრი ზამთრისთვის“, - თქვა ბიროლმა.
