საგადასახადო დავალიანებისა და სახელმწიფო სესხების რესტრუქტურიზაციის ვადა კიდევ 2 წლით ხანგრძლივდება
როგორც "ჯი-ეიჩ-ენს" საქართველოს მთავრობის საპარლამენტო მდივანმა გია ხუროშვილმა განუცხადა, ცალკეული ოპონენტების მიერ ხშირად სადაო ხდება, რამდენად შეიძლება არსებობდეს ქვეყანში რესტრუქტურიზაციის სისტემა, რომელიც მათი მტკიცებით სხვადასხვა საწარმოებს არათანაბარ რეჟიმში აყენებს.
"დღევანდელ პირობებში ჩვენ, რომ გავაუქმოთ რესტრუქტურიზაციის წესი, რომელიც კანონის სახით მოქმედებს, მძიმე მდგომარეობაში ჩააგდებს ბევრ საწარმოს და ადამიანს, ბევრი სამუშაო ადგილს დაკარგავს და ქვეყნის ეკონომიკაში რელაურად პრობლემა შეიქმნება. ამიტომ კვლავ გრძელდება ამ კანონის მოქმედება, როგორც გარდამავალი კანონის სახით. იმედი გვაქვს, რომ როდესაც საწარმოები, ჩვენი ბიზნესი, ეკონომიკა თავს დააღწევს არსებულ პრობლემებს, დასრულდება მსოფლიო ფინასური კრიზისი და ქვეყანას ექნება მზარდი ეკონომიკური განვითარება, მაშინ ეს კანონი აუცილებლად გაუქმდება", - აღნიშნა ხუროშვილმა.
მისივე განმარტებით, აღნიშნული კანონი არის მთავრობის მიერ მიცემული შესაძლებლობა, რომ საჭირობისა და სათანადო დასაბუთების შემთხვევაში კომპანებმა ვალის გადავადება და მისი ეტაპრობრი გადახდა მოხდინონ.
"დღეისთვის რესტრუქტურიზაცის რეჟიმში ძალიან ბევრი საწარმო და კომანია მუშაობს, კანონის გაუქმების შემთხვევაში კი მათ დახურვა ემუქრებათ, რაც ბერი ადამიანის უმუშევრად დარჩენის მიზეზი გახდება", - აღნიშნა მთავრობის საპარლამენტო მდივანმა "ჯი-ეიჩ-ენთან" საუბრისას.
"საგადასახადო დავალიანებისა და სახელმწიფო სესხების რესტრუქტურიზაციის შესახებ" კანონს ვადას ორი წლით პარლამენტი საშემოდგომო სეისიის დახურვამდე გაუგრძელებს.