ანკარაში რუსეთისა და თურქეთის საგარეო საქმეთა მინისტრების სერგეი ლავროვისა და მევლუთ ჩავუშოღლუს მოლაპარაკებები გაიმართა. იუწყება თურქეთის სახელმწიფო ტელეარხი TRT Haber.
მოლაპარაკებები შეეხება უკრაინის მარცვლეულის ექსპორტის საკითხსა და უსაფრთხო დერეფნების გახსნას მარცვლეულით დატვირთული გემებისთვის, ასევე უკრაინა-რუსეთის მოლაპარაკებების განახლების შესაძლებლობას.
თურქეთი გამოვიდა წინადადებით, ესკორტი გააყოლოს გემებს უკრაინის პორტებიდან, რომლებიც დაბლოკილია ქვეყანაში რუსეთის ჯარების შეჭრის შედეგად.
რუსეთმა უკრაინაში სასტიკის შეჭრის შედეგად უკრაინის შავიზღვისპირა ტერიტორიების დიდი ნაწილი დაიკავა. შავ ზღვასა და აზოვის ზღვას აკონტროლებენ რუსეთის საოკუპაციო ძალები აკონტროლებენ.
უკრაინა და დასავლეთის ქვეყნები რუსეთს უკრაინის პორტებიდან სურსათის ექსპორტის ბლოკირებაში ადანაშაულებენ. მსოფლიოს მრავალი ქვეყანა უკრაინულ მარცვლეულზეა დამოკიდებული, რომლის გარეშეც მათ შიმშილობა ემუქრებათ.
რუსეთი აცხადებს, რომ პორტებიდან ექსპორტის შეფერხება, ერთი მხრივ, უკრაინის ხელისუფლების მიერ შავი ზღვის დანაღვმისა და მეორე მხრივ, საერთაშორისო სანქციების ბრალია.
მოსკოვი აცხადებს, რომ დასავლეთის სანქციების მოხსნის შემთხვევაში, არ შეაფერხებს ექსპორტს, დასავლეთი კრემლის წინადადებას შანტაჟს უწოდებს.
