რუსულმა სახელმწიფო კონცერნმა "გაზპრომმა" ნიდერლანდებს გაზის მიწოდება შეუწყვიტა. ამის შესახებ ნიდერლანდური გაზის ტრეიდერი GasTerra იუწყება.
კომპანიის განცხადებით, ნიდერლანდებს "გაზპრომი" ბუნებრივ აირს 31 მაისიდან აღარ მიაწვდის.
ამასთან, GasTerra-ს ცნობით, გაზმომარაგებასთან დაკავშირებული შეფერხება მოსალოდნელი არ არის, რადგან ქვეყანამ გაზი სხვა მიმწოდებლებისგან უკვე იყიდა.
გაზის შეწყვეტის მიზეზი ნიდერლანდების მხრიდან რუსეთის მიერ გაზის საფასურის რუბლით გადახდის მოთხოვნაზე უარის თქმა გახდა.
მანამდე რუსეთმა გაზის მიწოდება შეუწყვიტა ევროპის რიგ ქვეყნებს მას შემდეგ, რაც მათ გაზის საფასურის რუბლებით გადახდაზე უარი განაცხადეს. აღნიშნული მოთხოვნა კრემლმა უკრაინაში შეჭრიდან ერთ თვეში წამოაყენა.
31 მარტს რუსეთის პრეზიდენტმა ვლადიმირ პუტინმა ხელი მოაწერა ბრძანებას, რომლის თანახმად, "არამეგობრულ ქვყნებს" რუსული გაზის მისაღებად ანგარიშები "გაზპრომბანკში" უნდა გაეხსნათ. აპრილში "გაზპრომმა" კონტრაქტების მიუხედავად, გაზის მიწოდება შეუწყვიტა პოლონეთსა და ბულგარეთს, მაისში კი - ფინეთს.
ფოტო: გაზპრომის ცენტრალური ოფისი სანქტ პეტერბურგში/Reuters
