"ჩვენ მკაფიოდ უნდა ვუთხრათ ჩვენს მოქალაქეებს ის, რასაც ვთვლით რომ სიმართლეა. სანამ ეს რეჟიმი გვყავს, ივანიშვილის და მისი გარემოცვა, საქართველოს ნულოვანი შანსი აქვს სამშვიდობოს გაღწევის, თავისუფლებისა და ჩვენი უსაფრთხოების დაცვისა“ - ასე ეხმაურება „ევროპული საქართველოს“ თავმჯდომარე, გიგა ბოკერია ღარიბაშვილისა და კობახიძის მიერ გაკეთებულ განცხადებებს.
„ეს აბსოლუტურად მოსალოდნელი იყო, იმის გამო რომ პირდაპირ არ უნდათ თქმა რომ პუტინისკენ არიან და დასავლეთს მტერს უწოდებენ, რათა ძალაუფლება შეინარჩუნონ, ახლა უნდათ რომ ევროპულ ასპარეზზე, დასავლეთში წარუმატებლობა დააბრალონ ოპოზიციას და მის კრიტიკას, მაგრამ ჩვენ მკაფიოდ უნდა ვუთხრათ ჩვენს მოქალაქეებს ის, რასაც ვთვლით რომ სიმართლეა. სანამ ეს რეჟიმი გვყავს, ივანიშვილის და მისი გარემოცვა, საქართველოს ნულოვანი შანსი აქვს სამშვიდობოს გაღწევის, თავისუფლებისა და ჩვენი უსაფრთხოების დაცვისა. ამიტომ ყველა მოქალაქეს, განურჩევლად მისი პოლიტიკური სიმპათიისა პარტიების მიმართ, ყველას ვისაც უნდა იხილოს საქართველო თავისუფალი სამყაროს ნაწილად, ევროპის, ნატოს, ევროკავშირის ნაწილად და დაცულად, ერთი რამის გაკეთება შეუძლიათ ამისთვის, ამ რეჟიმის მშვიდობიანა ჩამოცილებაში საკუთარი წვლილის შეტანა. ყველა, ვისაც უნდა რომ ევროპისკენ წავიდეს საქართველო, დასავლეთისკენ უნდა იღვწოდეს მაქსიმალურად იმისთვის, რომ მაქსიმალურად სწრაფად ეს კაცი, ივანიშვილი და მისი გარემოცვა ჩამოვაშოროთ ხელისუფლებას.“ - გიგა ბოკერია
ცნობისთვის, „ქართული ოცნების“ წევრების განცხადებით ქართული ოპოზიცია საქართველოს ევროკავშირში გაწევრიანების პროცესისთვის ხელის შეშლას ცდილობს.
