რუსეთის სამხედრო-სადაზვერვო თვითმფრინავმა Ан-30 დაარღვია შვედეთის საჰაერო სივრცე ქვეყნის სამხრეთით მდებარე ბლეკინგის პროვინციაში. იუწყება შვედური რადიო.
მედიის ინფორმაციით, საჰაერო სივრცის დარღვევა პარასკევს საღამოს მცირე ხნით მოხდა, რის შემდეგაც თვითმფრინავმა ტერიტორია დატოვა.
შვედურმა გამანადგურებლებმა, რომლებიც საჰაერო სივრცეს აკონტროლებენ, შენიშნეს რუსული თვითმფრინავი და ფოტოები გადაუღეს.
" ეს სრულიად მიუღებელია, ჩვენ რა თქმა უნდა დიპლომატიურ პასუხს გავცემთ", - განაცხადა თავდაცვის მინისტრმა პიტერ ჰულთკვისტმა.
შვედეთის საჰაერო სივრცე რუსულმა ხომალდებმა მარტის დასაწყისშიც დაარღვიეს. მაშინ, შვედეთის საჰაერო სივრცეში ოთხი რუსული გამანადგურებელი - ორი Su-24 და ორი Su-27 - შეიჭრა. გავრცელებული ცნობით, გამანადგურებლები ბირთვული იარაღით იყვნენ აღჭურვილნი.
