ირლანდიის ხელისუფლებამ რუსეთის საელჩოს ოთხი მაღალი რანგის დიპლომატი პერსონა ნონ გრატად გამოაცხადა.
ირლანდიის პრემიერ-მინისტრ მაიკლ მარტინის განცხადებით, გაძევებული დილომატების ქმედებები არ შეესაბამებოდა დიპლომატიური ქცევის საერთაშორისო სტანდარტებს.
"1961 წლის ვენის კონვენციის თანახმად, რუსეთის საელჩოს ოთხ მაღალჩინოსანს ვუბრძანეთ ქვეყნის დატოვება, რადგან მათი საქმიანობა არ შეესაბამება დიპლომატიური ქცევის საერთაშორისო სტანდარტებს", - განაცხადა მან.
ამასთან, ჩეხეთის საგარეო საქმეთა სამინისტრომ დღეს პრაღაში რუსეთის საელჩოს ერთ-ერთი დიპლომატი პერსონა ნონ გრატად გამოაცხადა.
"მან უნდა დატოვოს ჩეხეთი 72 საათის განმავლობაში. ჩვენს მოკავშირეებთან ერთად, ვზღუდავთ რუსული სპეცსამსახურების ყოფნას ევროკავშირში", - ნათქვამია Twitter-ის განცხადებაში.
ამავდროულად, რუსი დიპლომატების გაძევების შესახებ განაცხადეს ნიდერლანდებმა და ბელგიამ. ამსტერდამმა 17 რუსი დიპლომატი გააძევა, ბრიუსელმა კი 21 რუსი დიპლომატი.
