რუსეთის პრეზიდენტმა პუტინმა ქალებს 8 მარტი მიულოცა და პირობა მისცა, რომ უკრაინაში ახალწვეულებს არ გაგზავნის.
პუტინმა ასევე განაცხადა, რომ "უკრაინაში სპეცოპერაციის ფარგლებში" არ მოხდება რეზერვისტების დამატებითი გამოძახება.
"დაკისრებულ ამოცანებს მხოლოდ პროფესიონალი სამხედროები წყვეტენ. დარწმუნებული ვარ, რომ ისინი საიმედოდ უზრუნველყოფენ რუსეთის ხალხის უსაფრთხოებასა და მშვიდობას", - განაცხადა პუტინმა.
ამავდროულად, პუტინმა მოუწოდა რუს ქალებს, იამაყონ მათი ქმრებით, ძმებით, მეგობრებით, რომლებიც "ახლა იბრძვიან უკრაინაში და იცავენ რუსეთს".
პუტინმა ასევე შეახსენა მოქალაქეებს, რომ უღრესად რთულ დროში უწევთ ცხოვრება.
"გლობალური ეკონომიკური გამოწვევები და პრობლემები, სამხედრო კონფლიქტები და ჩვენი ხალხისა და ჩვენი ქვეყნის დაცვის გარდაუვალი საჭიროება, პანდემია და ბრძოლა მილიონობით მოქალაქის სიცოცხლისა და ჯანმრთელობისთვის", - თქვა პუტინმა.
პუტინის ბრძანენებით, რუსეთის საოკუპაციო ძალებით უკრაინაში 24 თებერვალს, გამთენიისას შეიჭრნენ.
