რუსეთს აღმოსავლეთიდან დასავლეთისკენ გადააქვს სამხედრო ტექნიკა, მათ შორის "ისკანდერი", - იტყობინება ანალიტიკური პროექტი Conflict Intelligence Team-ი იტყობინება.
CIT-ის ინფორმაციით, ისკანდერის სარაკეტო სისტემების რუსეთის აღმოსავლეთის სამხედრო ოლქიდან დასავლეთით გადატანა, სოციალურ ქსელში გამოქვეყნებული ვიდეოების შესწავლამ ცხადჰყო.
გამომძიებლების თქმით, ვიდეოები, რომლებიც სოციალურ ქსელებში 11 და 13 იანვარს გამოჩნდა, გადაიღეს ურალსა და შორეულ აღმოსავლეთში.
CIT ანალიტიკოსები თვლიან, რომ ვიდეოჩანაწერები შეიცავს რეაქტიულ სისტემებს, სატრანსპორტო-დამტვირთ მანქანებს და ისკანდერის კომპლექსის რაკეტებს.
მათივე ცნობით, სამხედრო ტექნიკით დატვირთულმა სატვირთო მატარებლებმა დატოვეს ბურიატიის ქალაქი ულან-უდე და ბირობიჟანი, რომელთა მახლობლად განლაგებულია 103-ე და 107-ე სარაკეტო ბრიგადები.
რუსეთის თავდაცვის სამინისტრომ ტრანსპორტირება დაგეგმილი სამხედრო წვრთნებით ახსნა, რასაც CIT-ის ანალიტიკოსები ეჭვქვეშ აყენებენ.
"უპირველესად იმიტომ, რომ "ვოსტოკ 2022" წვრთნამდე ჯერ კიდევ 8 თვეა დარჩენილია, რომლის მომზადებაც სავარაუდოდ მიმდინარეობს. გარდა ამისა, 2014 წელსაც, რუსული რეგულარული შენაერთების გადაყვანა უკრაინის ტერიტორიაზე, ასევე სწავლებებით აიხსნა", - ამბობენ ანალიტიკოსები.
CIT-ის ანალიტიკოსები ვარაუდობენ, რომ აღმოსავლეთიდან გადასროლილი ტექნიკა და სამხედრო მოსამსახურეები უკრაინის საზღვართან განლაგებულ ძალებს შეუერთდებიან.
