შინაგან საქმეთა სამინისტროს სასაზღვრო პოლიციის უფროსმა, გენერალ-მაიორმა ნიკოლოზ შარაძემ, საქართველოში ნატოს სამეკავშირეო ოფისის ხელმძღვანელთან - როზარია პუგლისთან, გამოსამშვიდობებელი შეხვედრა გამართა.
ნიკოლოზ შარაძემ როზარია პუგლისს ჩრდილოატლანტიკურ ალიანსთან თანამშრომლობის გაღრმავების მიზნით გაწეული ნაყოფიერი საქმიანობისათვის მადლობა გადაუხადა.
გამოსამშვიდობებელ შეხვედრას ნატოს სამეკავშირეო ოფისის ხელმძღვანელის მოადგილე - პირიტ პიკერი და სამხედრო მეკავშირე ოფიცერი - რუშენ აბიდინოღლუ დაესწრნენ.
შინაგან საქმეთა სამინისტროს სასაზღვრო პოლიცია წარმატებით აგრძელებს ნატო-საქართველოს არსებითი პაკეტით (SNGP) ნაკისრი ვალდებულებების შესრულებას. საქართველოს პორტებს ნატოს საზღვაო შენაერთები მუდმივად სტუმრობენ. საპორტო ვიზიტების განმავლობაში, ურთიერთთავსებადობის ამაღლების მიზნით, საქართველოს სანაპირო დაცვასთან ერთობლივი წვრთნები ტარდება.
