ზუსტად 2 წლის წინ, როდესაც ჩინეთში ახალმა კორონა ვირუსმა იფეთქა, მსოფლიო ჯანდაცვის ორგანიზაციამ პანდემია გამოაცხადა და მოსახლეობას სიფრთხილის დაცვისკენ მოუწოდა. დაინფიცირებულთა და გარდაცვლილთა რაოდენობა სწრაფად იზრდებოდა, რამაც ქვეყნებს გამკაცრებული რეგულაციებისკენ უბიძგა. პანდემიის პირველ კვირებში, გაიზარდა სუპერმარკეტებში მოქალაქეთა ნაკადები, გაჩნდა დაუსრულებელი რიგები, დაიცალა დახლები და ხალხი მოიცვა პანიკამ. მკაცრად შეიზღუდა საზოგადოებრივი თავშეყრის ადგილებში ყოფნა და ხალხმა სოციალური დისტანცირება დაიწყო. მალევე, სამთავრობო რეგულაციებიდან გამომდინარე, მოწოდება „#დარჩისახლში“ საკმაოდ აქტუალური გახდა. ამ პერიოდში, მნიშვნელოვნად გაიზარდა ონლაინ მაღაზიებისადმი ინტერესი, ვინაიდან ამ გზით მოქალაქეები ახერხებდნენ ისეთი ნივთების შეძენას, რაც მათ სახლში ყოფნის პერიოდში, დროის უკეთ გაყვანაში დაეხმარებოდათ!
დღეს უკვე შეგვიძლია მსოფლიო მონაცემების სტატისტიკაზე დაყრდნობით ვისაუბროთ, რომელია ის ნივთები, რომელსაც მომხმარებლები ყველაზე ხშირად ყიდულობდნენ ინტერნეტ მაღაზიების დახმარებით. თუმცა, საქართველოს მაგალითზე, სამწუხაროდ, პროცენტული მაჩვენებლები არ გვაქვს იმ პროდუქციებთან დაკავშირებით, თუ რას ყიდულობდნენ ყველაზე ხშირად ქართველი მომხმარებლები, მაგრამ აღსანიშნავია, რომ პანდემიის პერიოდში შესაძლებელი გახდა მომხმარებელთა ქცევაზე დაკვირვება მსგავს ფორსმაჟორულ სიტუაციაში
პანდემიის გამოცხადების პირველ კვირას, თუკი სამედიცინო ნიღბებზე მოთხოვნა სულ რაღაც 80 % იყო, მე-4 კვირის ბოლოს ეს მაჩვენებელი 320%-მდე გაიზარდა და სახის ფარებზე მოთხოვნა 3 კვირის განმავლობაში 180%-დან 260%-მდე ზრდა დაფიქსირდა. ვასკვნით, რომ მოსახლეობა ყიდულობდა იმ პირველადი საჭიროების ნივთებს, რომელიც მათი უსაფრთხოებისთვის ყველაზე მნიშვნელოვანი იყო
საქართველოშიც გაიზარდა ონლაინ მომხმარებლების რაოდენობა, რომლებმაც პირველად ისარგებლეს ინტერნეტ ვაჭრობის სერვისით. დროთა განმავლობაში, ნათელი გახდა, რომ პანდემიის დროს, ძალიან ბევრი ახალი მოთამაშე გაჩნდა ბაზარზე და მომხმარებელს საკუთარი პროდუქტები და სერვისები შესთავაზა
გაიზარდა კომპანიებს შორის კონკურენცია, თუმცა, მსხვილმა ონლაინ მაღაზიებმა შეძლეს და შეინარჩუნეს ლიდერის პოზიცია. მაგალითად, ონლაინ მაღაზია ისურვე, პანდემიის პირველივე დღიდან, აქტიურად ახორციელებდა მომხმარებლებისთვის, სერვისებისა და ნებისმიერი პროდუქტის მიწოდების უზრუნველყოფას. რთული პერიოდის მიუხედავად, აღნიშნული მაღაზიისთვის, მომხმარებელთა ინტერესები, სურვილები, მოთხოვნილებები კვლავ დარჩა პრიორიტეტად, რაც ერთგულებით დაუფასა მადლიერმა მომხმარებელმა!