„წინა შაბათს საზოგადოებრივი ტრანსპორტის გაჩერების გადაწყვეტილება რომ არ მიგვეღო, იცით, როგორი კრიტიკის ქარცეცხლში გაგვატარეს ამისთვის, ის, რომ არ მიგვეღო, დღეს ჩვენი პროგნოზით უნდა გვქონოდა 7-დან 8 ათასამდე ახალი შემთხვევა ქვეყანაში", აცხადებს დაავადებათა კონტროლის ეროვნული ცენტრის ხელმძღვანელი.
მისი განმარტებით, დღეს გვაქვს 5 900, ესეც სამშაბათის სინდრომია და მომავალ დღეებში შესაძლოა იკლოს ახალმა შემთხვევებმა.
"კვირას იყო 2 ათასზე მეტი, ტესტების რაოდენობა ნაკლები, გუშინ 47 ათასი ტესტს ფონზე გვქონდა 5 900, ხვალ დიდი ალბათობით, ჩვენი პროგნოზით, დარწმუნებული ვარ, ხვალ-ზეგ ეს ისევ ქვემოთ წამოვა. დადებითობის მაჩვენებელი ოდნავ, ძალიან დაბალი პროცენტით სტაბილიზირდება, ბოლო ოთხი დღეა, აღარ იზრდება, ტენდენცია ზრდისა აღარ არის, ეს რაღაც დამაიმედებელია იმისა, რომ იქნებ გადავდივართ ამ პიკს და მერე წამოვალთ ქვემოთ“, – განაცხადა ამირან გამყრელიძემ.
