რუსეთიდან შემოსული ვიზიტორების მხრიდან PCR-ტესტის პასუხებისა და აცრის ბარათების გაყალბების ერთეული შემთხვევები ფიქსირდება. აღნიშნულის შესახებ ინფორმაციას არასამთავრობო ორგანიზაცია „ახალგაზრდა თაობა" ავრცელებს.
ჯანდაცვის მინისტრის განმარტებით, აღნიშნულ საკითხის შესწავლა ჯანდაცვის სამინისტროს კომპეტენცია არ არის, ფაქტების შესწავლით სხვა უწყებები არიან დაკავებული.
„გაყალბებულ დოკუმენტაციასთან მიმართებაში, ჯანდაცვის სამინისტრო კომპეტენტურ პასუხს ვერ გაგცემთ. ამითი დაკავებულები არიან სხვა უწყებები, რომლებიც ჩვენ გვეხმარებიან მსგავსი ფაქტების იდენტიფიცირებაში და შესაბამისად, მათ მხარეს არის რეაგირების კომპონენტი. ისინი აკეთებენ რეაგირებას. არის ერთეული შემთხვევები“, - განაცხადა ჯანდაცვის მინისტრმა.
