სავარაუდოდ, 2000 უნდა იყოს ის მაჩვენებელი, რომელიც პიკურ პერიოდში უნდა შევინარჩუნოთ და შემდეგ უნდა დაიწყოს კლება - აცხადებს ჯანდაცვის მინისტრი მოადგილე თამარ გაბუნია.
მისი განმარტებით, არსებული გათვლებით COVID-19-ით ინფიცირებულთა რაოდენობა გასული წლის ნოემბერ-დეკემბერში არსებულ მაჩვენებლებს არ უნდა გაუტოლდეს.
"ჩვენ ვფიქრობთ, რომ ისეთ მაღალ ზრდას, რომელიც იყო გასული წლის ნოემბერ-დეკემბერში არ უნდა ველოდოთ. თუნდაც, იმ მიზეზის გამო, რომ მოსახლეობის ნაწილს უკვე ჩამოყალიბებული აქვს იმუნიტეტი, ნაწილი იმუნიზაციის შემდეგ დაემატა. სავარაუდოდ, 2000 უნდა იყოს ის მაჩვენებელი, რომელიც პიკურ პერიოდში უნდა შევინარჩუნოთ და შემდეგ უნდა დაიწყოს კლება. ასეთი მოლოდინი გვაქვს" - აცხადებს გაბუნია.
