ჩეხეთის პრემიერ-მინისტრმა ანდრეი ბაბიშმა, ევროკავშირის ქვეყნების ლიდერებს თხოვნით მიმართა, მოსკოვთან ურთიერთობის გამწვავების ფონზე, პრაღისადმი სოლიდარობის ნიშნად, თავიანთი ქვეყნებიდან მინიმუმ ერთი რუსი დიპლომატი გააძევონ. ამის შესახებ ჩეხური რადიო იუწყება.
რადიოს ცნობით, შაბათს, პორტუგალიის ქალაქ პორტოში ევროკავშირის არაფორმალური სამიტის დაწყებამდე, ანდრეი ბაბიშმა ევროკავშირის ლიდერებს სთხოვა, განიხილონ მინიმუმ ერთი რუსი დიპლომატის გაძევება.
17 აპრილს ჩეხეთის ხელისუფლებამ ქვეყნიდან 18 რუსი დიპლომატის გაძევების შესახებ განაცხადა. მანამდე პრაღამ კრემლი 2014 წელს ჩეხეთში, სოფელ ვრბეტიცეში სამხედო მასალების აფეთქებაში, რასაც ორი ადამიანი ემსხვერპლა, რუსეთის სპეცსამსახურები დაადანაშაულა. საპასუხოდ, რუსეთის საგარეო საქმეთა სამინისტრომ მოსკოვში ჩეხეთის საელჩოს 20 თანამშრომელი "პერსონა ნონ გრატად" გამოაცხადა.
