გერმანიის ფედერალური მთავრობა შეთანხმდა, რომ შეამსუბუქოს შეზღუდვები იმ ადამიანებისთვის, რომლებიც გამოჯანმრთელდნენ კორონავირუსისგან და სრულად არიან ვაქცინირებულნი. ამის შესახებ გერმანიის იუსტიციის მინისტრმა, ქრისტინ ლამბრეხტმა განაცხადა.
ლამბრეხტის განცხადებით, სრულად ვაქცინირებულ ან კორონავირუსისგან გამოჯანმრთელებულ პირებს კომენდანტის საათისა და სოციალური კონტაქტების შეზღუდვები არ შეეხებათ.
გერმანიის მთავრობის აღნიშნული გადაწყვეტილება, პარლამენტის ორივე პალატამ, ბუნდესტაგმა და ბუნდესრატმა უნდა დაამტკიცოს, რის შემდეგაც ის ძალაში შევა.
"თუ ვირუსის გავრცელება სრულად ვაქცინირებულ და გამოჯანმრთელებულ ადამიანებში მნიშვნელოვნად შემცირებულია, ეს უნდა იყოს გათვალისწინებული მოქმედ შემზღუდავ ზომებში", - განაცხადა იუსტიციის მინისტრმა.
გერმანიის მოსახლეობის დაახლოებით 8%-მა ვაქცინის ორივე დოზა მიიღო, ხოლო 28%-ზე მეტმა - ერთი დოზა.
