ვაქცინაციის კამპანიის წარმატებით მიმდინარეობისა და კორონავირუსის გავრცელების ტემპის მკვეთრად შენელების გამო, დღეიდან ისრაელში ღია სივრცეებში პირბადის ტარება სავალდებულო აღარ არის. ინფორმაციას ადგილობრივი მედია ავრცელებს.
თუმცა, პირბადის ტარება დახურულ სივრცეებსა და მასშტაბურ ღონისძიებებზე კვლავ სავალდებულო იქნება.
როგორც ისრაელის ჯანდაცვის სამინისტრო იუწყება, პარასკევს ქვეყანაში კორონავირუსის მხოლოდ 105 ახალი შემთხვევა გამოვლინდა. ამ დროისთვის ქვეყანაში ვირუსის მხოლოდ 2 586 აქტიური შემთხვევაა.
გარდა ამისა, ისრაელის 5 341 887-მა მოქალაქემ „კოვიდ-19“-ის საწინააღმდეგო ვაქცინის პირველი დოზა უკვე გაიკეთა, 4 965 696 კი, უკვე ორივე დოზით არის აცრილი
დღეიდან, კიდევ ერთი რეგულაცია მოიხსნა ისრაელში, კერძოდ, ქვეყნის მასშტაბით გაიხსნა ყველა სკოლა.