რუსეთი ათ ამერიკელ დიპლომატს ქვეყანას დაატოვებინებს. ამის შესახებ ჟურნალისტებს რუსეთის ფედერაციის საგარეო საქმეთა მინისტრმა სერგეი ლავროვმა განუცხადა.
მისი თქმით, მოსკოვი ვაშინგტონს სანქციებზე სარკისებურად უპსუხებს.
"ამ ზომებს სარკისებურად ვუპასუხებთ. შევთავაზებთ რუსეთში მყოფ ათ ამერიკელ დიპლომატს ჩვენი ქვეყანა დატოვს", - თქვა ლავროვმა.
შეგახსენებთ, შეერთებული შტატების პრეზიდენტმა, ჯო ბაიდენმა ხელი მოაწერა აღმასრულებელ განკარგულებას, რითაც სანქციების ახალი პაკეტი დამტკიცდა რუსეთის ფედერაციის წინააღმდეგ, ამერიკის არჩევნებში ჩარევის მცდელობისა და სამთავრობო სტურუქტურებზე მასშტაბური კიბერთავდასმის გამო.
სანქცირებულთა სიაში შედის 32 ფიზიკური და იურიდიულ პირი.
ვაშინგტონიდან და ნიუ იორკიდან გააძევეს რუსეთის დიპლომატიური სამსახურის 10 წარმომადგენელი, რომელთა ნაწილი რუსეთის სადაზვერვო სამსახურის თანამშრომელია. მათ ქვეყნის დასატოვებლად 30-დღიანი ვადა მიეცათ.
გარდა ამისა, დაწესდა შეზღუდვები, რომლის მიხედვითაც ამერიკული დაწესებულებები ვეღარ შეძლებენ რუსეთის ცენტრალური ბანკისგან, რუსეთის ფინანსთა სამინისტროსგან და ეროვნული კეთილდღეობის ფონდისგან ობლიგაციების ყიდვას.