გერმანიის ფედერალური მთავრობა და ფედერალური მიწების ხელმძღვანელები შეთანხმდნენ, რომ შეცვლიან ადრე მიღებულ გადაწყვეტილებას სააღდგომო არდადეგების დროს მკაცრი შეზღუდვების დაწესების შესახებ. ამის შესახებ კანცლერმა მერკელმა პრესკონფერენციაზე განაცხადა.
ანგელა მერკელის განცხადებით, გამკაცრებული ზომების ასეთ მოკლე დროში განხორციელება შეუძლებელი იქნებოდა და შესაძლოა, მას უფრო მეტი ზიანი მოეტანა, ვიდრე - სარგებელი.
"ეს მხოლოდ ჩემი შეცდომაა, რადგან საბოლოოდ მე ვარ პასუხისმგებელი ყველაფერზე", - აღნიშნა მერკელმა და თანამოქალაქეებს ბოდიში მოუხადა.
შეგახსენებთ, გუშინ, ანგელა მერკელი და ფედერალური მიწების ხელმძღვანელები შეთანხმდნენ, რომ აღდგომის დღესასწაულისთვის მოქალაქეებს 5 დღით სახლში დარჩენისკენ მოუწოდებდნენ, რისთვისაც 1-ლი და 3 აპრილი დასვენების დღეებად გამოცხადდებოდა.
ამასთან, დასვენების დღეებში, ყველა მაღაზია და ბიზნესობიექტი დაიხურებოდა.
ხელისუფლების ამ გადაწყვეტილებას საზოგადოების მხრიდან პროტესტი მოჰყვა. გარდა ამისა, მას არც კანონმდებლები მიემხრნენ.
