პანამის დროშის ქვეშ მცურავმა სატვირთო ხომალდმა, მართვის კონტროლი დაკარგა და სუეცის არხი გადაკეტა.
გავრცელებულ ფოტოებზე ჩანს, რომ კონტეინერებით დატვირთული ხომალდი ბლოკავს მოძრაობას ორივე მიმართულებით. როგორც იუწყებიან, ხომალდის შემობრუნების მცდელობები ჩაიშალა, ბუქსირით მის გადაზიდვას რამდენიმე საათის განმავლობაში უშედეგოდ ცდილობდნენ.
შიშობენ, რომ ხომალდი შესაძლოა ამ მდგომარეობაში რამდენიმე დღის განმავლობაში დარჩეს.
სატვირთო ხომალდი, რომელიც ჩინეთიდან ნიდერლანდების საპორტო ქალაქ როტერდამისკენ მიეშურებოდა, სუეცის არხში გუშინ შევიდა.
საზღვაო ხომალდების მდებარეობის საერთაშორისო სისტემის ინფორმაციით, სუეცის არხის სამხრეთით, წითელ ზღვაში ათეულობით ხომალდი საცობშია და ელოდება გზის გათავისუფლებას.
სუეცის არხი ხმელთა შუა ზღვას წითელ ზღვასთან აკავშირებს, რაც უზრუნველყოფს უმოკლეს საზღვაო კავშირს აზიასა და ევროპას შორის.