ბრიტანეთის მაუწყებელი BBC დოჰას ტურნირზე ქართველი ჩოგბურთელის ნიკოლოზ ბასილაშვილისა და ლეგენდარული შვეიცარიელი ჩოგბურთელის როჯერ ფედერერის მატჩს ეხმიანება.
ნიკოლოზ ბასილაშვილმა დოჰას ტურნირის მეოთხედფინალში ლეგენდარული შვეიცარიელი ჩოგბურთელი როჯერ ფედერერი სამ სეტში დაამარცხა – 3:6, 6:1, 7:5.
BBC-მ ნიკოლოზ ბასილაშვილის გამარჯვებისშემდგომ მოკლე კომენტარს ავრცელებს.
"ძალიან ბედნიერი ვარ, რომ ფედერერი დაბრუნდა სათამაშოდ. მასთან გამარჯვება ჩემი ოცნების ახდენაა. ის ყოველთვის იყო ჩემი კერპი ისევე, როგორც მრავალი სხვა ჩოგბურთელისა და ჩოგბურთის მოყვარულისთვის. დაუჯერებლად ბედნიერი ვარ", - ამბობს ნიკოლოზ ბასილაშვილი.
ტურნირის ნახევარფინალში ბასილაშვილის მეტოქე ამერიკელი ტაილორ ფრიცი იქნება. შეხვედრა ხვალ, თბილისის დროით 19:00 საათზეა ჩანიშნული.
ფოტო: GettyImages
