არ მიმაჩნია მიზანშეწონილად დღეს, როდესაც საერთოდ კითხვის ნიშნის ქვეშ დგას შედგება თუ არა მიშელის ინიცირებული მედიაციის პროცესი, საუბარი იმაზე, ვადამდელ არჩევნებამდე, როგორი გზით მივალთ და რაიმე გადაწყვეტილების დაბლოკვა, საქმეს არაფერში გამოადგება, - ამის შესახებ "ნაციონალური მოძრაობის" წევრი სალომე სამადაშვილი სოციალურ ქსელში წერს.
სალომე სამადაშვილის განცხადებით, ოპოზიციის ერთიანობის შენარჩუნება მოლაპარაკებების პროცესში, წარმატების გარანტიაა.
"არ მიმაჩნია მიზანშეწონილად დღეს, როდესაც საერთოდ კითხვის ნიშნის ქვეშ დგას შედგება თუ არა მიშელის ინიცირებული მედიაციის პროცესი, საუბარი იმაზე, ვადამდელ არჩევნებამდე, როგორი გზით მივალთ და რაიმე გადაწყვეტილების დაბლოკვა. საქმეს არაფერში გამოადგება. ასევე, ოპოზიციის ერთიანობის შენარჩუნება მოლაპარაკებების პროცესში, წარმატების გარანტიაა. წარმატება კი, პატიმრების გათავისუფლება და ვადამდელ არჩევნებამდე მისასვლელი გზის შეთანხმება იქნება, მათ შორის საარჩევნო რეფორმისაც", - წერს სალომე სამადაშვილი.
სავარაუდოდ, სალომე სამადაშვილი ეხმიანება მიხეილ სააკაშვილის განცხადებას იმასთან დაკავშირებით, რომ "ოპოზიცია არავითარ შემთხვევაში არ უნდა დათანხმდეს პლებისციტს".
