"მე ამაყი ვარ, რადგან სწორი მიმართულებით უდიდესი ნაბიჯი გადაიდგა", - განაცხადა ევროპული საბჭოს პრეზიდენტმა, შარლ მიშელმა პრეზიდენტის ადმინისტრაციაში, ოპოზიციასა და ხელისუფლებას შორის გამართული შეხვედრის შემდეგ.
შარლ მიშელის განცხადებით, საქართველოში არსებული პოლიტიკური კრიზისი სასწრაფო გადაჭრას საჭიროებს.
"ამ საღამოს მე ამაყი ვარ, რადგან სწორი მიმართულებით უდიდესი ნაბიჯი გადაიდგა. ეს არ ნიშნავს, რომ ყველაფერი მოგვარდა. ეს არ ნიშნავს, რომ არ არსებობს რთული საკითხები, რომლებიც პოლიტიკურ პარტიებმა და მთავრობამ უნდა განიხილოს. ეს ნიშნავს, როცა მე ყველა მონაწილეს მივმართე შეკითხვით, რომ ჰქონდათ თუ არა პოლიტიკური დიალოგის გაძლიერების სურვილი, რათა ერთად ვიპოვოთ გამოსავალი. ამაზე პასუხი იყო მკაფიო - დიახ, რაც მნიშვნელოვანი ნაბიჯია და ჩვენ გავაგრძელებთ ყველა პოზიტიური ძალისხმევის მხარდაჭერას", - განაცხადა შარლ მიშელმა.
ფოტო :EU
