ორბელიანების სასახლეში, პრეზიდენტ სალომე ზურაბიშვილის მასპინძლობით, ხელისუფლებასა და ოპოზიციის წარმომადგენლებს შორის შეხვედრა მიმდინარეობს.
შეხვედრას ესწრებიან ევროკავშირის საბჭოს პრეზიდენტი შარლ მიშელი, რომლის ინიციატივითაც დაიგეგმა აღნიშნული ღონისძიება და პრემიერ-მინისტრი ირაკლი ღარიბაშვილი.
პრეზიდენტის ადმინისტრაციაში მივიდნენ ირმა ინაშვილი, გიგა ბოკერია, დავით ბაქრაძე, სალომე სამადაშვილი, ალეკო ელისაშვილი, მამუკა ხაზარაძე, შალვა ნათელაშვილი, ზურაბ ჯაფარიძე, სანდრო რაქვიაშვილი, ხათუნა სამნიძე და ოპოზიციის სხვა წარმომადგენლები.
შარლ მიშელმა ოპოზიციასა და ხელისუფლებას შორის შეხვედრის გამართვის ინიციატივის შესახებ პრემიერ-მინისტრ ღარიბაშვილთან ერთობლივი პრესკონფერენციის დროს გააჟღერა.