აზერბაიჯანის პრეზიდენტის ილჰამ ალიევის განცხადებით, მომავალში საქართველოს, სურვილის შემთხვევაში, სხვა ქვეყნებთან ერთად, შეუძლია შეუერთდეს ყარაბაღის აღდგენის საერთო პლატფორმას. იუწყება აზერბაიჯანული გამოცემა Report-ი.
გამოცემის ინფორმაციით, ამის შესახებ ალიევმა ადგილობრივი და საერთაშორისო მედიისთვის ვიდეოფორმატში გამართულ პრესკონფერენციაზე განაცხადა.
აზერბაიჯანის, სომხეთისა და რუსეთის ვიცე-პრემიერების დონეზე სამუშაო ჯგუფის საქმიანობაზე საუბრისას, აზერბაიჯანის პრეზიდენტმა აღნიშნა, რომ მისი მუშაობის შედეგები მნიშვნელოვანია მთელი რეგიონისთვის.
"როგორც თურქეთს, ასევე ირანს და მომავალში, სურვილის შემთხვევაში, საქართველოს შეუძლიათ შეუერთდნენ ამ პლატფორმას", - განაცხადა ალიევმა.
