პარტია "მოქალაქეების" ლიდერი ალეკო ელისაშვილი აცხადებს, რომ თუ "ქართული ოცნება" მათ პირობებს დათანხმდება, მზად არის პარლამენტში შევიდეს.
ალეკო ელისაშვილის მიერ დასახელებულ პირობებს შორის არის - პოლიტპატიმრების გათავისუფლება, საარჩევნო კანონმდებლობის შეცვლა, საარჩევნო ადმინისტრაციის შეცვლა, ელექტრონული არჩევნები.
"ძაან უსასრულოდ გაიწელა მეხუთე რაუნდი და როდის იქნება არ ვიცით. ამასობაში დაგვემხო ეს ქვეყანა თავზე. ჩვენი პარტია გადაწყვეტილებებს ვიღებთ ჩვენ თვითონ, არ ვეკითხებით არც ივანიშვილს, არც სააკაშვილს და მით უმეტეს, არც ბოკერია. შესაბამისად, ჩვენ გვინდა კონსულტაციები გავმართოთ ოპოზიციაში ყველა იმასთან, ვისაც აქვს პასუხისმგებლობა და გაბედულება, რომ მიიღოს თამამი გადაწყვეტილება. ჩვენი პარტიის გადაწყვეტილებაა, შესაძლოა მეხუთე რაუნდის გარეშეც, მაგრამ ელჩების თანდასწრებით, თუ ქართული ოცნება ხელს მოაწერს იმას, რასაც ჩვენ ვითხოვთ, ეს არის პოლიტპატიმრები, საარჩევნო კანონმდებლობის ცვლილება , ელექტრონული არჩევნები და საარჩევნო ადმინისტრაციის ცვლილება, მე და ლევან იოსელიანი მზად ვართ, რომ შევიდეთ პარლამენტში", - თქვა ელისაშვილმა.
"გირჩსა" და "მოქალაქეებს" შორის კონსულტაციები მიმდინარეობს.