"გირჩის" თავმჯდომარე იაგო ხვიჩია აცხადებს, რომ მას ყველა პოლიტიკურ პარტიასთან აქვს კომუნიკაცია, მათ შორის "ქართულ ოცნებასთან".
"არ მაქვს არავისთან ლაპარაკის პრობლემა, ამ ქვეყნის არც ერთ პოლიტიკურ პარტიასთან, არც ერთ პოლიტიკურ ლიდერთან, როგორც ხელისუფლებიდან, ისე ოპოზიციიდან. მე ყველას ვხვდები, ყველას ველაპარაკები, შეხვედრაა თუ ტელეფონით კომუნიკაცია, რა მნიშვნელობა აქვს. თბილისში ვცხოვრობთ, ბევრი საერთო ნაცნობი გვყავს სხვადასხვა პარტიიდან, ყველასთან მაქვს კონსულტაცია "ქართული ოცნების" ჩათვლით. დავუშვათ კობახიძეს შევხვდი, რა მოხდა? მე ზოგადად, როცა კომუნიკაცია მაქვს, კომუნიკაცია მაქვს იმ ხალხთან, რომელიც როგორც წესი, ჩემი აზრით, რომელიც იღებს გადაწყვეტილებებს, ტროლებთან შეხვედრას აზრი არ აქვს. ბოლო ერთი წლის განმავლობაში, დაახლოებით კვირაში ერთხელ ყველა პოლიტიკურ პარტიას ვესაუბრები", - თქვა იაგო ხვიჩიამ.
შეგახსენებთ, დღეს, "გირჩისა" და ალეკო ელისაშვილის "მოქალაქეების" წარმომადგენლებს შორის კონსულტაციები მიმდინარეობს.