მგონი, დროა შევიდეს იმიტომ, რომ მართლა დაიღალა ამ მუქარით ამომრჩეველიც. შევიდეს, თუ ფიქრობს, რომ უნდა შევიდეს - ასეთია ნაციონალური მოძრაობის ერთ-ერთი ლიდერის ხატია დეკანოიძის გამოხმაურება პარტია მოქალაქეების ლიდერის ალეკო ელისაშვილის განცხადებაზე.
„სევდიანი ისტორია მეჩვენება ალეკოსთვის, რომ ქართული ოცნების პარლამენტში უნდა შევიდეს და უკაცრავად ამ უხეში სიტყვისთვის „გააპრავოს“ ქართული ოცნება და გაყალბებული არჩევნები; მაგრამ მგონი, დროა უკვე შევიდეს იმიტომ, რომ მართლა დაიღალა ამ მუქარით ამომრჩეველიც. შევიდეს, თუ ფიქრობს, რომ უნდა შევიდეს! მე არ მემეტება არცერთი ოპოზიციონერი დეპუტატი იმ პარლამენტში შესვლისთვის, მაგრამ რა გაეწყობა, მისი წარმოდგენა ემთხვევა კობახიძის წარმოდგენას“, - განაცხადა დეკანოიძემ.
როგორც ცნობილია ალეკო ელისაშვილმა განაცხადა, რომ პარლამენტში მისი პარტია სულ რომ მარტო შევიდეს, შევა, რადგან "მართლა ქვეყანა თავზე გვემხობა".