რესტორნების ასოციაციის დამფუძნებელი შოთა ბურჯანაძე შეზღუდვების მოხსნას ითხოვს. მისი თქმით, 270 000 ადამიანის სამუშაო ადგილის საერთოდ გაუქმების და დაკარგვის საფრთხე არსებობს
"270 000 ადამიანის სამუშაო ადგილის საერთოდ გაუქმების და დაკარგვის რეალური საფრთხე არსებობს. ამდენი დაკარგული სამუშაო ადგილი სოციალურ რეალობას გააუარესებს. ჩვენ თუ გვინდა, რომ 24-ში გაიხსნას მოლები, 24-ში მოლები არ უნდა გაიხსნას, უნდა გაიხსნას დღეს. ის მობილობა, რაც 24-დან 3 რიცხვამდე იქნება, ეს უნდა გადანაწილდეს იმ დღეებზე, რა დღეებიც გვაქვს, თუ გვინდა, რომ არ გაუარესდეს ეპიდემიოლოგიური სიტუაცია“, - აცხადებს ბურჯანაძე.
