სებ-ის პრეზიდენტის შეფასებით, ბიზნესებისთვის სესხების პროცენტის სუბსიდირების სახელმწიფო პროგრამებში მისო-ების არ ჩართულობა მათ პორტფელს რისკებს არ უქმნის. ეროვნული ბანკის პრეზიდენტი ამ მხრივ დიდ რისკებს ვერ ხედავს. მისი აზრით, სუბსიდირების პროგრამაში ბანკების ჩართვა უფრო მნიშვნელოვანია.
„იქიდან გამომდინარე, რომ მიკროსაფინანსო ორგანიზაციებში დოლარში გაცემული სესხების წილი ძალიან დაბალია და თითქმის ლარის სესხებია გაცემული; ასევე, იქიდან გამომდინარე, რომ მისო-ების რეგულირება 2018 წლიდან დავიწყეთ, აქ რისკები არ არის დაგროვებული და ამ ეტაპზე სექტორი ძალიან კარგად უმკლავდება ამ გამოწვევბს. აქედან გამომდინარე, ვფიქრობთ, რომ უფრო მნიშნელოვანია საბანკო სესხების სუბსიდირება.
ჩვენ მუდმივად ვთანამშრომლობთ ამ საკითხებთან დაკავშირებით. ფინანსური სტაბილურობა არ არის მხოლოდ ეროვნული ბაკის ფუნქცია ეს არის მთლიანად ხელისუფლების ამოცანა.
მისო-ების პორტფელის გაფუჭების რისკი ამ მიმართულებით დიდი არაა", - განაცხადა გვენეტაძემ.
