ნატო-ს გენერალური მდივნის იენს სტოლტენბერგის განცხადებით, ჩრდილოატლანტიკური ალიანსის საგარეო საქმეთა მინისტრები, საქართველოსთვის განახლებული არსებითი პაკეტის მიღებაზე შეთანხმდნენ. ამის შესახებ სტოლტენბერგმა საგარეო საქმეთა მინისტრების შეხვედრის დასრულების შემდეგ განაცხადა.
სტოლტენბერგის თქმით, განახლებული არსებითი პაკეტის მიღებით ნატო აღრმავებს საქართველოს პოლიტიკურ მხარდაჭერას.
მისივე განცხადებით, მინისტერიალის ფარგლებში, კიდევ ერთხელ გაესვა ხაზი საქართველოს ტერიტორიული მთლიანობისა და სუვერენიტეტისადმი მხარდაჭერას.
"რუსეთი განაგრძობს საქართველოსა და უკრაინის ტერიტორიული მთლიანობისა და სუვერენიტეტის დარღვევას. რუსეთი განაგრძობს სამხედრო ინფრასტრუქტურის გაძლიერებას და შავ ზღვაში ყოფნის ზრდას. საქართველო და უკრაინა ნატოს ღირებული პარტნიორები არიან. მათ მნიშვნელოვანი წვლილი შეაქვთ ჩვენს მისიებში“, - განაცხადა სტოლტენბერგმა.