სახელმწიფო ინსპექტორის მოადგილედ სალომე ბახსოლიანი დაინიშნა. ინფორმაციას ინსპექტორის სამსახური ავრცელებს.
"სალომე ბახსოლიანს პერსონალურ მონაცემთა დაცვის სფეროში მუშაობისა და ამ მიმართულებით აკადემიური საქმიანობის მრავალწლიანი გამოცდილება აქვს. მას ბოლო 5 წლის განმავლობაში, პერსონალურ მონაცემთა დაცვის ინსპექტორის აპარატში და შემდგომ სახელმწიფო ინსპექტორის სამსახურში სხვადასხვა მენეჯერული პოზიცია ეკავა", - ვკითხულობთ გავრცელებულ ინფორმაციაში.
სალომე ბახსოლიანი პერსონალურ მონაცემთა დაცვის მიმართულებას უხელმძღვანელებს.