''არა ბიძინა ივანიშვილს!'' - "ნაციონალური მოძრაობა - გაერთიანებული ოპოზიცია" თავისუფლების მოედანზე შემაჯამებელ აქციას მართავს. აქცია საღამოს 18:00 საათზე დაიწყო.
აქციის ოროგანიზატორების თქმით, თავისუფლების მოედანზე შეიკრიბნენ, რადგან კიდევ ერთხელ გააგონონ თავიანთი ხმა ბიძინა ივანიშვილს.
"ნაციონალური მოძრაობის" საარჩევნო შემაჯამებელი ღონისძიება ბუბა კიკაბიძის სიმღერით "სადღეგრძელოთი" დაიწყო.
ადგილზე სხვადასხვა რეგიონებიდან ჩამოსული ოპოზიციის მხარდამჭერები იმყოფებიან.
"მე ბედნიერი ვარ, რომ დღეს ამდენ ხალხს ვხედავ ერთად თბილისში. სულ ყველას გკოცნით, ძალიან მიყვარხართ, ჩვენ გავიმარჯვებთ, ეჭვიც არ შეგეპაროთ და მერე უკვე დაიწყება სხვა ცხოვრება.
მე მინდა დღევანდელი საღამო გავხსნა სიმღერით, რომლის ტექსტიც მე თვითონ დავწერე. მუსიკა არის ხალხური და სიმღერას ჰქვია სადღეგრძელო," - ასე მიესალმა ბუბა კიკაბიძე აქციის მონაწილეებს.
აქციის გამო, თბილისის გარკევულ უბნებში ავტოტრანსპორტის მოძრაობა შეზღუდულია. მოძრაობა სრულად აიკრძალა თავისუფლების მოედანზე. აქციის დასრულებისთანავე საავტომობილო მოძრაობა აღდგება.
