საზოგადოებრივი მაუწყებლის სამეურვეო საბჭომ გენერალურ დირექტორად თინათინ ბერძენიშვილი აირჩია.
ბერძენიშვილის კანდიდატურას სამეურვეო საბჭოს 8 წევრმა დაუჭირა მხარი.
მეორე ტურში გასულმა კანდიდატმა, ხათუნა ლაგაზიძემ ერთი ხმა მიიღო, ხოლო ირმა სოხაძემ - არცერთი.
თინათინ ბერძენიშვილი საქართველოს პირველი არხის გენერალური დირექტორის პირველი მოადგილე იყო და ამჟამად, გენერალური დირექტორის მოვალეობას ასრულებს.