არჩევნების წინ გაუგებარია წარმოსახვითი პრემიერ-მინისტრობის სკამის გამო ერთიანობის დატოვება და ოპოზიციის რიგებში დამატებითი დაქსასულობის შეტანა, - საქართველოს ყოფილი პრეზიდენტის, მიხეილ სააკაშვილის კრიტიკას "სტრატეგია აღმაშენებლის" ლიდერის გიორგი ვაშაძის მიმართ სალომე სამადაშვილი გამოეხმაურა.
მისი შეფასებით, გიორგი ვაშაძის გადაწყვეტილებას ფორმატის დატოვებასთან დაკავშირებით ამომრჩეველი უარყოფითად შეაფასებს.
"გაერთიანებული ოპოზიციის ფორმატი რჩება და ამ ფორმატიდან გავიდა გიორგი ვაშაძე ქალბატონ თაკო ჩარკვიანთან ერთად. ეს არის უკიდურესად დამაზიანებელი. არჩევნების წინ გაუგებარია წარმოსახვითი პრემიერ-მინისტრობის სკამის გამო ერთიანობის დატოვება და ოპოზიციის რიგებში დამატებითი დაქსასულობის შეტანა. ვფიქრობ, რომ ქართველი ამომრჩეველი ძალიან უარყოფითად შეაფასებს ამ ნაბიჯს, რომელიც გადადგა ბატონმა ვაშაძემ”, - აღნიშნა სალომე სამადაშვილმა.
მიხეილ სააკაშვილი გიორგი ვაშაძეს აკრიტიკებს და აცხადებს, რომ ყოფილი თანამებრძოლი ბნელ მხარეს გადავიდა.
სააკაშვილი ოპოზიციაში მიმდინარე პროცესებზე საუბრის დროს ამბობს, რომ "ნაციონალურმა მოძრაობამ" არჩევნები ერთპიროვნულად უნდა მოიგოს. ის დარწმუნებულია, რომ პარტია პირველ ადგილზე გავა და მთლიანად შეძლებს მთავრობის ჩამოყალიბებას.
ერთ-ერთი მედიასაშუალებისთვის მიცემულ ინტერვიუში სააკაშვილი საუბრობს თანამშრომლობის აუცილებლობაზე ყველასთან, ვინც არ თამაშობს ივანიშვილის თამაშს. ყოფილი პრეზიდენტის აზრით, საჭიროა კოალიცია არა პარტიებთან, არამედ საზოგადოებასთან.
მიხეილ სააკაშვილი გიორგი ვაშაძეს აკრიტიკებს და აცხადებს, რომ ყოფილი თანამებრძოლი ბნელ მხარეს გადავიდა.
ახლა რაც ხება, ეს არის ჩვეულებრივ, თავიდან ბოლომდე, ბიძინა ივანიშვილის თამაში. ბიძინა ივანიშვილმა ეს თამაში გაათამაშა 2016-ში 2018-ში და ცდილობს ახლაც, - განაცხადა საქართველოს ყოფილმა პრეზიდენტმა მიხეილ სააკაშვილმა გადაცემა "მთავარ აქცენტებში" გიორგი ვაშაძესთან დაკავშირებულ შეკითხვაზე, რომელმაც "ძალა ერთობაშია" დატოვა და არჩევნებში მონაწილეობას დამოუკიდებლად მიიღებს.
"ფაქტია, გადავიდა [გიორგი ვაშაძე] ბნელ მხარეს. არასწორ მხარეს. არის ბნელი და არის ნათელი. ადამიანი თუ გადადის ბნელ მხარეს, ის გადადის ბნელ მხარეს. არ ვიცი, ჩხარტიშვილმა გადაიყვანა, ვინ გადაიყვანა", - თქვა სააკაშილმა და აღნიშნა, რომ გიორგი ვაშაძე არ არის ისეთი ფიგურა, რომ "მასზე დიდი დრო დავხარჯო".
