საერთაშორისო ჯგუფ "ვიონის" წევრი, ბილაინი განაგრძობს კარანტინის პირობებში მომხმარებლისთვის ბილაინის მომსახურებაზე წვდომის კიდევ უფრო გამარტივებას. ბილაინის სიმ ბარათის შეძენა მომხმარებელს ამიერიდან საქართველოს ფოსტის 81 სერვისცენტში შეუძლია, მთელი საქართველოს მასშტაბით.
როგორც ცნობილია, კარანტინის პირობებში საქართველოს ფოსტის სერვისცენტრები მუშაობს ორშაბათიდან პარასკევის ჩათვლით, დილის 9:00-დან დღის 17:00 საათამდე.
ბილაინმა COVID-19-ის აღმოჩენისთანავე დაიწყო პრევენციული ზომების გატარება და დღესაც აქტიურად განაგრძობს როგორც თანამშრომლებზე, ისე მომხმარებლებზე ზრუნვას. უსაფრთხოების მიზნით, კომპანიამ ვირუსის საქართველოში გამოჩენისთანავე მალევე დაკეტა ყველა მაღაზია ქვეყნის მასშტაბით და თანამშრომლები დისტანციურ მუშაობაზე გადაიყვანა.
დისტანციურ მუშაობაზეა გადასული ბილაინის სატელეფონო ცენტრიც. ბილაინის ყველა მომსახურება და პროდუქტი მომხმარებლისთვის სრულადაა ხელმისაწვდომი ონლაინ, MyBeeline აპლიკაციის, ბილაინის ვებგვერდისა და ონლაინ ჩატის მეშვეობით.
