გაერთიანებული ოპოზიცია იბრძვის ნორმალური, დემოკრატიული არჩევნების ჩატარებისთვის და ხელისუფლების შეცვლისთვის ნორმალურად, დემოკრატიულად, - განაცხადა დემოკრატიული მოძრაობის“ პოლიტიკური საბჭოს წევრმა, ანზორ ბიწაძემ ხელისუფლების დამხობასთან დაკავშირებით ვანო მერაბიშვილის დღევანდელ განხადებაზე კომენტირებისას.
მისი თქმით, ასეთი განცხადებები არაადეკვატური და არასწორია.
„ახლა გაერთიანებული ოპოზიცია იბრძვის ნორმალური, დემოკრატიული არჩევნების ჩატარებისთვის და ხელისუფლების შეცვლისთვის ნორმალურად, დემოკრატიულად, სტაბილური პროცესით და ამ პროცესში ჩართულები არიან ჩვენი მეგობარი ქვეყნების ელჩები. განცხადებები დამხობასთან, რევოლუციასთან და ასეთ დესტაბილიზაციასთან დაკავშირებით აბსოლუტურად არაადეკვატური და არასწორია, ეს მხოლოდ ხელისუფლების წისქვილზე დაასხამს წყალს“ ,- განაცხადა ანზორ ბიწაძემ.
