თურქეთი თავის მოქალაქეებს მონღოლეთში მოგზაურობისგან თავის შეკავებას ურჩევს. ქვეყნის საგარეო სამინისტროს განცხადებაში აღნიშნულია, რომ რადგან ჩინეთსა და მონღოლეთს მჭიდრო ურთიერთობა აქვს და ამ ორ ქვეყანას შორის მოგზაურობებიც ხშირია, ამ ფონზე შესაძლო ახალი კორონავირუსის (2019-nCoV) გავრცელების გამო ამ ქვეყანაში გადაადგილებისგან თავი შეიკავონ.
სამინისტროს განცხადებაში ასევე აღნიშნულია, რომ დედაქალაქ, ულან-ბატორში კორონავირუსის გავრცელების საშიშროების გამო სასწავლო პროცესი 2 მარტამდე შეწყდა. ასევე არ ფუნქციონირებს კინოთეატრები, ინტერნეტ კაფეები, დახურულია სხვა მრავალი საზოგადოებრივი თავშეყრის ადგილები. ულან-ბატორსა და სხვა მრავალ ქალაქებში ჰაერის ინტენსიური დაბინძურების გამო ვირუსების სწრაფი გავრცელების საშიშროება მაღალია.
