6 დეკემბერს, 10:30 საათზე, ევროპის უნივერსიტეტში ზურაბ ჟვანიას სახელობის ვარსკვლავის, მისი სახელობის დარბაზის საზეიმო გახსნისა და „ზურაბ ჟვანია - ოფიციალური განცხადებები, გამოსვლები, ინტერვიუები“ წიგნის პრეზენტაცია გაიმართება.
მოწვეულ სტუმრებს მიესალმებიან ევროპის უნივერსიტეტის რექტორი ქალბატონი თამარ კერძაია; საქართველოს პარლამენტის თავმჯდომარე ბატონი არჩილ თალაკვაძე, ევროკავშირის ელჩი საქართველოში, მისი აღმატებულება, ბატონი კარლ ჰარცელი; გაეროს მუდმივი წარმომადგენელი საქართველოში, ქალბატონი საბინე მახლი და ზურაბ ჟვანიას მეუღლე, ქალბატონი ნინო ქადაგიძე.
ღონისძიებაზე საპატიო მიმართვებით წარსდგებიან :
პოლონეთის რესპუბლიკის საგანგებო და სრულუფლებიანი ელჩი საქართველოში, მისი აღმატებულება, ბატონი მარიუშ მაშკიევიჩი; საქართველოს პარლამენტის ეროვნული ბიბლიოთეკის მეცნიერების, კულტურისა და სამოქალაქო განათლების დეპარტამენტის დირექტორი, ბატონი ემზარ ჯგერენაია; ქართველი კინორეჟისორი, საქართველოს სახალხო არტისტი, ქალბატონი ლანა ღოღობერიძე; ზურაბ ჟვანიას ვაჟი, ბატონი ბესარიონ ჟვანია და სხვები.
ღონისძიება საქართველოს ევროპის საბჭოს თავმჯდომარეობის და ზურაბ ჟვანიას დაბადების დღის აღსანიშნავად იმართება.
