საქართველოში, კანონის უზენაესობის მხრივ, მნიშვნელოვანი რეფორმების უკუსვლის რისკს ვხედავთ, - ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ფედერიკა მოგერინიმ ევროპარლამენტის პლენარულ სესიაზე განაცხადა.
მისი თქმით, საქართველო ახლო და საიმედო პარტნიორია სამეზობლოში.
"საქართველოს ადმინისტრაციულ საზღვრებთან სიტუაცია ბოლო თვეების განმავლობაში გაუარესებულია. სწორედ ეს არის მიზეზი, თუ რატომაც ვზრდით ჩვენ ევროკავშირის მონიტორინგის მისიის წარმომადგენლობას ადგილზე. ჩვენი მხარდაჭერა საქართველოს სუვერენიტეტისა და ტერიტორიული მთლიანობის მიმართ, არ არის მხოლოდ განცხადება და დეკლარირებული პრინციპები. ეს არის ჩვენი ყოველდღიული კონკრეტული მუშაობის ფუნდამენტური საფუძველი.
საქართველოა ახლა უახლოესი და საიმედო პარტნიორია სამეზობლოში. სწორედ ამიტომაც, ჩვენ არ ვხუჭავთ თვალებს, როდესაც ვხედავთ რისკებს, როგორც მაგალითად დღეს ვხედავთ კანონის უზენაესობის სფეროში მნიშნველოვანი რეფორმების უკუსვლის რისკს", - განაცხადა მოგერინიმ.
