სწორედ არსებული სისტემით დავამარცხეთ ჩვენ 2012 წელს ხელისუფლებაში მყოფი სააკაშვილი - აცხადებს პარლამენტის წევრი მერაბ ქვარაია.
"ოპოზიცია აყალიბებს არასწორ მოსაზრებას, რომ შერეული სისტემა არადემოკრატიულია, პროპორციული კი დემოკრატიული. ეს სიცრუეა. ყველა არჩევნები უკანასკნელი სამი ათეული წლის მანძილზე საქართველოში ტარდებოდა დაბალანსებული შერეული სისტემით და სწორედ ამ სისტემით დავამარცხეთ ჩვენ 2012 წელს ხელისუფლებაში მყოფი სააკაშვილი.
ასე რომ დღეს გვაქვს ერთადერთი სწორი არჩევანი: ერთად მოვამზადოთ ქვეყანა და 2020 წელს ჩავატაროთ უპრეცედენტოდ გამჭვირვალე, თავისუფალი და დემოკრატიული არჩევნები. დაე არჩევნების გზით ხალხმა თავად შეაფასოს წარსული და გადაწყვიტოს საკუთარი მომავალი- აირჩიოს ის ხელისუფლება, რომელსაც ანდობს საკუთარ მომავალს", - ამის შესახებ მერაბ ქვარაიამ პარლამენტში პლენარულ სხდომაზე განაცხადა.
