პოლიციელის მოთხოვნისადმი დაუმორჩილებლობის მუხლით ადმინისტრაციულად დააკავეს ევროპული საქართველოს ორი წარმომადგენელი, - წერს სოციალურ ქსელში "ევროპული საქართველოს" ერთ-ერთი ლიდერი ოთო კახიძე.
"პოლიციელის მოთხოვნისადმი დაუმორჩილებლობის მუხლით ადმინისტრაციულად დააკავეს ევროპული საქართველოს ორი წარმომადგენელი - კობა ზაქარეიშვილი და ბესო შავაძე, მათ დღევანდელი აქციისთვის საჭირო ნივთები გადაჰქონდათ.
მანქანა საჯარიმოზე გადავიყვანეთო, ასე პრიმიტიულად სურთ მიტინგის ჩატარებაში ხელი შეგვიშალონ.
რაც მთავარია, უკვე საათზე მეტია, ვერ ვადგენთ დაკავებულთა ადგილსამყოფელს. ჩართულია სახალხო დამცველის აპარატი და ადვოკატი.
დროულად გაათავისუფლეთ დაკავებულები და დააბრუნეთ მანქანა. ტყუილად გაქვთ იმედი, რომ უკან დაგვახევინებთ.
ერთად, ერთის წინააღმდეგ ✊
19:00 რუსთაველზე ✌️", წერს კახიძე.
