"გადაგვაგდეთ? გადაგაგდებთ ივანიშვილო", "35 გავრილოვი"- პროპორციული სისტემის კანონპროექტის ჩაგდებას ქუთაისში აქციით გამოეხმაურნენ. სამოქალაქო აქტივისტები, მოქალაქეები და პოლიტიკური პარტიების წევრები ცენტრალური მოედანზე შეიკრიბნენ.
მათი თქმით, ხელისუფლებამ 20 ივნისის მოვლენების შემდეგ ერთადერთი დაპირებაც არ შეასრულა და მოქალაქეები კვლავ მოატყუა. აქციის მონაწილეების თქმით, ამ ტყუილს "ქართულ ოცნებას" არ აპატიებენ.
„მოვითხოვთ, კორუმპირებული მთავრობა გადადგეს. მათ "გავრილოვის ღამის" შემდეგ მეორედ მოგვატყუეს და სულში ჩაგვაფურთხეს. ამას არ ვაპატიებთ, აქციები გაგრძელდება, ვიდრე პროპორციულ საარჩევნო სისტემაზე არ გადავალთ," - განაცხადეს აქციის მონაწილეებმა.
