რუსეთის ფედერაციის შეიარაღებული ძალების გენშტაბის უფროსი გენერალი ნიკოლაი მაკაროვი აცხადებს, რომ რუსეთისს ფედერაციის გენშტაბი ფლობს იმ ქვეყნების ნუსხას, რომლებიც ახლაც ცდილობენ საქართველოს სამხედრო პოტენციალის აღდგენას.
"არსებობს ქვეყანათა ჩამონათვალი, რომლევიც საქართველოს იარაღს აწვდიან და ეს გასული წლის აგვისტოს ომის შემდეგ ხდება", _ განაცხადა მაკაროვმა. თუმცა მის მიერვე ნახსენები "ქვეყანათა ჩამონათვალში" არსებული ქვეყნების დაკონკრეტებისგან თავი შეიკავა.
მისივე თქმით, "უცხო ქვეყების დახმარებამ საშუალება მისცა საქართველოს აღედგინა ის სამხედრო პოტენციალი რაც მას ადრე ჰქონდა". მაკაროვმა ასევე დაამატა, რომ საუბარი მიდის საქართველოსათვის საარტილერიო იარაღის მიწოდებაზე, ასევე რაკეტსაწინააღმდეგო სისტემის ელემენტებზე.
