კრემლის დამოკიდებულებამ ორი სახელმწიფოს ლიდერებს შორის თურქეთში პირდაპირი მოლაპარაკებებისადმი აჩვენა, რომ მოსკოვი ომის დასრულების საჭიროებას არ გრძნობს. ეს ადასტურებს იმას, რომ რუსეთზე პოლიტიკური და ეკონომიკური ძლიერი ზეწოლაა საჭირო.
ამის შესახებ უკრაინის პრეზიდენტმა ვოლოდიმირ ზელენსკიმ ანკარაში თურქეთის პრეზიდენტ რეჯეფ ერდოღანთან შეხვედრის შემდეგ გამართულ ბრიფინგზე განაცხადა.
„ყველას გვესმის, რომ უკრაინაში სამართლიანი მშვიდობა და უსაფრთხოება უნდა იყოს. უნდა დაიცვათ გარანტიები, პირველ რიგში, გაერო-ს ქარტია. პრეზიდენტი ერდოღანი ამას ამბობს, ჩვენი ყველა პარტნიორი და უკრაინაც ადასტურებს. ყველამ პატივი უნდა სცეს ნებისმიერი სახელმწიფოს ტერიტორიულ მთლიანობას. რაც შეეხება დღევანდელ დემონსტრირებას [რუსეთის მხრიდან] - ან დელეგაციის დონეს, ან გადაწყვეტილებებს.
კიდევ ერთხელ ხაზს ვუსვამ - ჩვენ შესაძლოა, არც ვისაუბროთ დელეგაციის დონეზე, თუ მათ აქვთ რაიმეზე შეთანხმების შესაძლებლობა. ჩვენ ყველანი შედეგზე ვსაუბრობთ“, - თქვა ზელენსკიმ.
მან აღნიშნა, რომ თურქეთში თავისი ყოფნითა და დელეგაციის დონით უკრაინა აჩვენებს, რომ მას ომის რაც შეიძლება მალე დასრულება სურს.
„და ჩვენ ყველანი, აქ მყოფ ადამიანებს, გვაქვს მანდატი. ინსტიტუციურად - უკრაინის ხალხისგან, ან საკანონმდებლო დონეზე - ჩვენი ხელისუფლებისგან. არსებობს მანდატი, მოლაპარაკება ჩატარდეს შესაბამის ნაბიჯებზე, რომლებიც ომის დასრულებამდე მიგვიყვანს.
მეორე მხრივ, ჩვენ ვხედავთ რუსეთის ფედერაციის წარმომადგენლებს. ჩვენ ვხვდებით, რა დონეა ეს - დელეგაციის დონე, ან ლიდერების დონე, ან რაღაც გადაწყვეტილებების“, - განაცხადა უკრაინის პრეზიდენტმა.
უკრაინის პრეზიდენტის თქმით, ეს აჩვენებს, რომ ომის დასრულებაზე საუბრისა და გადაწყვეტილებების მიღების მზაობა არ არსებობს.
„ეს ნიშნავს, რომ პოლიტიკური ნება არ არსებობს, რაც იმას ნიშნავს, რომ რუსეთი არ მიიჩნევს, რომ მას ამ ომის დასრულება სჭირდება.
ეს ნიშნავს, რომ რუსეთის ფედერაციაზე არ არის საკმარისი პოლიტიკური, ეკონომიკური და სხვა სახის ზეწოლა. და სწორედ ამიტომ ვითხოვთ: თუ არ იქნება ცეცხლის შეწყვეტა, თუ არ იქნება სერიოზული გადაწყვეტილებები, თუ არ იქნება ორმხრივი შეხვედრები, ჩვენ ვითხოვთ შესაბამის სანქციებს, რაც სტიმული იქნება ომის უფრო სწრაფად დასასრულებლად. ან, სულ მცირე, დააჩქარეთ ჩვენი საუბრები ამ საკითხზე“, - ხაზგასმით აღნიშნა ზელენსკიმ.
