ჭყონდიდელი მიტროპოლიტი პეტრე ცაავა მეუფე იაკობის სიტყვებზე პასუხისმგებლობას საქართველოს კათოლიკოს-პატრიარქს აკისრებს, რადგან პატრიარქმა მეუფე იაკობი ხარისხში აიყვანა და ამით წაახალისა.
"მეუფე იაკობის საქციელზე სრულ პასუხისმგებლობას ვაკისრებ სრულიად საქართველოს კათოლოკოს პატრიარქს, ვინაიდან მან ბოდბეში წმინდა ნინოს ტაძრის კურთხევის დღეს როდესაც დააჯილდოვა და აიყვანა ხარისხში და აღამაღლა, მან თქვა ქადაგებისას, რომ მეუფე იაკობს ბევრი შეცდომა აქვს დაშვებული, მაგრამ ის ასრულებდა მის დავალებას. ამ ლოგიკით, დღესაც მეუფე იაკობმა შეასრულა კათოლიკოს პატრიარქის დავალება, ვინაიდან პატრიარქმა წაახალისა მისი არაადეკვატური და ეკლესიის მიმართ სამარცხვინო საქციელის გამო არაერთგზის", - ამბობს მეუფე პეტრე.
ცნობისთვის, ბოდბელმა ეპისკოპოსმა იაკობმა ტელეკომპანია პირველის ეთერში განაცხადა, რომ ჭყონდიდელი მიტროპოლიტი პეტრე ცაავა, დეკანოზი გიორგი მამალაძე, სახელისუფლებო პირები და ვანო ჩხარტიშვილი პატრიარქ ილია II-ის მკვლელობას გეგმავდნენ.
მისივე თქმით, გიორგი კვირიკაშვილმა, თანამდებობაზე ყოფნის დროს, მას შეხვედრაზე უხმეს, რომელსაც ესწრებოდნენ მაშინდელი ეკონომიკის მინისტრი გიორგი გახარია და და მაშინდელი სახელმწიფო უსაფრთხოების სამსახურის ხელმძღვანელი ვახო გომელაური. მეუფე იაკობი ჰყვება, რომ ისინი მას "ეჩალიჩებოდნენ", რომ პატრიარქი ილია II გადაეყენებინათ და მის ნაცვლად პატრიარქის მოსაყდრე შიო დაეყენებინათ ახალ პატრიარქად.
