პრემიერ-მინისტრი გიორგი გახარია ბოდბელი ეპისკოპოსის ბრალდებას სისულელეს უწოდებს და ამბობს, რომ "მსგავსი სისულელეები უკვე საზღვარს გადასცდა”
"მსგავსი სისულელეები უკვე საზღვარს გადასცდა. ერთხელ და სამუდამოდ უნდა გამოვიდეთ ამ პოლიტიკური კულტურიდან - მეწაღემ წაღები უნდა შეკეროს, ბანკირმა ბანკს უნდა მიხედოს, მეპურემ პური უნდა გამოაცხოს, მეუფემ ეკლესიაში უნდა იაროს და პოლიტიკას თავი დაანებოს“,- ამბობს გახარია.
დღეს, ბოდბელმა ეპისკოპოსმა იაკობმა "ტვ პირველის" ეთერში განაცხადა, რომ გიორგი კვირიკაშვილი, ვახტანგ გომელაური და გიორგი გახარია პატრიარქის გადაყენებაში დახმარებას სთხოვდნენ.
