შეერთებულ შტატებში, ჯაშუშობის ბრალდებით დაკავებული რუსეთის მოქალაქე მარია ბუტინა რუსეთში 26 ოქტომბერს დაბრუნდება. აღნიშნულის შესახებ განცხადება პარასკევს ვაშინგტონში რუსეთის ელჩმა ანატოლი ანტონოვმა გააკეთა. ინფორმაციას რუსული მედია ავრცელებს.
"25 ოქტომბერს, მარია ბუტინას ფედერალური ციხიდან, ფლორიდაში, მაიამის მიგრაციის ცენტრში, საიდანაც იგი იმავე დღეს გაფრინდება მოსკოვში", - ნათქვამია ელჩის მოხსენებაში.
მარია ბუტინა შეერთებულ შტატებში დააკავეს 2018 წლის ივლისში და 18 თვე მიუსაჯეს უცხოეთის აგენტად არალეგალური მუშაობისთვის. ბუტინამ თავი დამნაშავედ ცნო, წინააღმდეგ შემთხვევაში, იგი მრავალი წლის განმავლობაში ციხეში აღმოჩნდებოდა.
როგორც ცნობილია, მარია ბუტინა ამერიკელ პოლიტიკოსებსა და ოფიციალურ პირებზე აგროვებდა ინფორმაციას.