გაეროს გენერალურმა ასამბლეამ ვენესუელა 2020-2022 წლების ადამიანის უფლებათა საბჭოს წევრად აირჩია. ვენესუელას მხარი 193-დან 105-მა ქვეყანამ დაუჭირა.
საბჭოში ვენესუელის გარდა ასევე შევიდნენ ბრაზილია, ლიბია, მავრიტანია, სუდანი, ნამიბია, ინდონეზია, იაპონია, სამხრეთ კორეა, მარშალის კუნძულები, სომხეთი, პოლონეთი, გერმანია და ნიდერლანდები.
ადამიანის უფლებათა საბჭო გაეროს სისტემის მთავრობათაშორისი ირგანოა, რომელშიც 47 სახელმწიფო ერთიანდება. მათ კომპეტენციაში შედის ყველა იმ საკითხის განხილვა, რომელიც ადამიანის უფლების სფეროს ეხება. გაეროს ადამიანის უფლებათა საბჭოს სხდომები ჟენევაში იმართება.
აშშ-ს სახელმწიფო მდივანმა მაიკ პომპეომ გაეროს ადამიანის უფლებათა საბჭო ვენესუელის არჩევას თვალთმაქცობა უწოდა.
"სამწუხაროდ, მადურომ უსირცხვილოდ მიაღწია ადგილს გაეროს ადამიანის უფლებათა საბჭოში, რათა დაბლოკოს ვენესუელელი ხალხის რეპრესიების შეზღუდვა. სამწუხაროა, რომ სხავ ქვეყნებმა ხმა მისცეს მადუროს მთავრობისთვის ადგილის მინიჭებას. ეს სრული დარტყმაა არამხოლოდ რეჟიმის მსხვერპლთა, არამედ მსოფლიოში ადამიანის უფლებების წინააღმდეგ", - ნათქვამია პომპეოს განცხადებაში.
"მადუროს წარმომადგენლის არჩევა შემადგენლობაში - ეს არის ფარსი, რომელიც მომავალშიც დააზიანებს, უკვე შერყეულ ნდობას საბჭოსადმი. აშშ გააძლიერებს მუშაობას მოკავშირეებთან და პარტნიორებთან დროებითი პრეზიდენტის ხუან გუაიდოს მხარდასაჭერად, რათა აღდგეს ვენესუელაში ადამიანის უფლებების დაცვა და დემოკრატია", - აღნიშნულია პომპეოს განცხადებაში.